Hinn síungi töffari Johnny Depp segir í nýlegu viðtali við tímaritið Rolling Stone að hann hafi verið edrú í eitt og hálft ár.

Johhny fór reyndar ekki í meðferð heldur ákvað sjálfur að nú væri kominn tími á smá hlé í drykkjunni en hann er mjög feiminn að eðlisfari og allar samkomur og viðburðir einkenndust af því að fá sér í glas og svo alltaf meira og meira til þess að geta talað við fólkið.

Leikarinn viðurkennir það að svona eigi maður ekki að fara með líkamann sinn en hann drakk ansi stíft og var stundum fullur heilu og hálfu dagana í röð!

Johnny segist þó ekki vera alkahólisti því hann segist ekki hafa mikla löngun í áfengi heldur líti hann frekar á það sem lyf svo að hann róist eða rói sirkusinn í kringum sig niður. Hann er þó greinilega kominn yfir slíka „lyfjagöf“ – eða kannski er hann bara hættur að mæta á öll þessi stressandi mannamót?

Vonum bara að honum gangi vel, hvort sem hann drekkur eða ekki… hann á það skilið því hann er svo sætur.

Höfundur: Rannveig Jónína Guðmundsdóttir

Rannveig er útskrifuð sem hársnyrtir en leggur nú stund á nám í fjölmiðlafræði. Henni finnst fátt skemmtilegta en að stunda margskonar líkamsrækt og er ekki hrædd við það að prófa nýjungar í þeim efnum, Rannveig er þessi týpíska meyja sem verður að hafa allt tip top, ofur pjöttuð að mati margra en lætur sér fátt um það finnast. Hún á tvo stráka og er harðgift.

Fleiri færslur höfundar

Sumarlökk Clinique

Þegar sumrinu seinkar, líkt og við á höfuðborgarsvæðinu höfum fengið að finna fyrir, er ekki seinna vænna en að redda sumarstemmningunni öðruvísi en með sólinni.

Þrátt fyrir sólarleysi þá hefur veðrið verið hlýtt og því fylgir einn góður kostur: Neglurnar lifna við!

Á veturnar eru neglurnar mínar hundleiðinlegar: þunnar, viðkvæmar og þær brotna við minnsta tilefni (eitt sinn braut ég nögl með hugarorkunni einni, sönn saga).

Um leið og veðrið byrjar að batna og Lóan vappar um gerist eitthvað magnað hjá nöglunum mínum -mórallinn verður allt annar. Þær vaxa hratt, styrkjast og verða hinar fínustu en þessu fagna ég á sumri hverju með því að fá mér fallegt naglalakk!

Falleg naglalökk með glansandi áferð

Í vor var nýja línan frá Clinique fyrir valinu.

Yfir veturinn notast ég við dökka liti og held nöglunum stuttum (enda fátt annað í boði) en úr því að neglurnar mínar eru í blóma fannst mér vel við hæfi að taka fallegan ljósbleikan lit, svo þessar nýtilkomnu löngu neglur mínar fái að njóta sín.

Nýju lökkin frá Clinique eru frábær og liturinn kom strax vel út við fyrstu umferð. Liturinn sem ég valdi ber nafnið Sweet Tooth og er pastel bleikur. Yfirleitt er raunin sú með ljóslituð naglalökk að það þarf nokkrar umferðir ef liturinn á að vera áberandi. Það kom mér mjög á óvart að þess var ekki þörf, og í þokkabót þornaði lakkið hratt og örugglega.

Sum  naglalökk eiga það til að erta mig, til dæmis ef ég naglalakka mig og fer svo eitthvað að vesenast í augunum mínum en nýju lökk frá Clinique eiga ekki að gera það.

Þar sem mér finnst ekkert skemmtilegra en að gera tilraunir á sjálfri mér get ég staðfest að ég hef ekki fundið fyrir neinum óþægindum (nema þegar ég potaði í augað á mér, en það var ekki naglalakkinu að kenna, ég er bara klaufi).

Lökkin koma í sautján súpersætum litum en fimm þeirra eru einungis í boði út sumarið.

Ég mæli því með að þær sem eru með viðkæma húð og neglur fái sér þessi ofnæmisprófuðu naglalökk og aðrar sem vilja halda uppi sumarstuðinu, a.m.k. þangað til að sólin lætur sjá sig.

Litaúrvalið í naglalakkslínu Clinique

Höfundur: Anna Margrét Gunnarsdóttir

Anna Margrét er fædd í Reykjavík árið 1987, en hefur alið manninn bæði í Svíðþjóð og Suður Ameríku. Þessa stundina stundar hún nám í viðskiptafræði við HÍ en áður hefur hún lært skapandi skrif, verið verslunarstjóri í Mýrinni og dansað ballet í fimmtán ár. Í framtíðinni ætlar hún að vera frumkvöðull og komast á toppinn íklædd teinóttu.
Anna er krabbi, og þykja þeir hinir kátustu. Tíska, förðun, jafnrétti, skrif og ferðalög um Afríku eru nokkur af hennar áhugamálum.

Fleiri færslur höfundar

Vatnið bætir meltinguna, eykur brennsluna, húðin verður fallegri, nartþörfin minnkar, þú færð meiri orku og þetta er frítt. Hvað viljum við meira?

Það er alltaf gott að fá ábendingar hvernig við getum drukkið meira vatn því mælt er með því að ná ca 2 lítrum (8 glös) af vatni á dag.

1.

Fáðu þér góða vatnsflösku sem gerir vatnið þitt girnilegra og hafðu hana með þér hvar sem þú ert. Þetta er þín flaska og þú ferð vel með umhverfið þitt. Mundu að þú ert að fá ferskt vatn og vilt fá það í hreina flösku.

2.

Góð regla er að drekka eitt vatnsglas fyrir máltíð og þú færð líka meira magafylli og borðar jafnvel minna.

3.

Ef þú ert að bera fram á veisluborð, hafðu þá tvö glös og annað er fyrir vatnið.

4.

Hafðu vatnsflöskuna við hendina í bílnum og þú fyllir á tankinn þinn líka.

5.

Sumum finnst erfitt að drekka af stút, fáðu þér sogrör í skemmtilegum lit.

6.

Heitt vatn er líka góð tilbreyting og mjög hollt að fá sér volgt sítrónuglas um leið og þú vaknar. 1-2 tsk af eplaediki í vatn er heilsuráð sem stendur alltaf fyrir sínu.

7.

Mundu að drekka nóg vatn með vítaminum ef þú tekur þau.

8.

Í góðra vina hópi með vínglas eða bjór skaltu hafa vatnsglasið við hliðina og drekka 1 vatnsglas á móti 1 vínglasi.

9.

Ef þú ert að hætta gosdrykkju þá er gott að breyta yfir í sódavatn og þar er nóg úrval. Skoðaðu innihaldslýsingar því oft er búið að bæta við hitaeiningum í vatnið.

10.

Gerðu vatnsdrykkju að vana og láttu fjölskyldumeðlimina fylgja vananum.

Þessi ráð geta hjálpað þér til þess að ná 2 lítrum á dag og lyftu upp glasi og skál !

Vatnið er svo sannarlega besti drykkurinn okkar og hægt er að krydda vatnið okkar á skemmtilegan hátt sem gerir það enn meira spennandi, hér koma nokkrar útgáfur:

Engifer og myntuvatn

5 cm bútur af engiferrót, þvegin og skorin í bita
3 greinar af ferskri myntu
2 l vatn

Kremjið varlega engiferrótina og myntuna í morteli. Blandið saman við vatnið og látið standa í ísskáp í klukkutíma.

Agúrkuvatn

½ meðalstór agúrka
1 sítróna, þvegin og skorin í báta
2 l vatn

Flysjið agúrkuna, skerið hana eftir endilöngu og í sneiðar. Setjið útí vatnið með sítrónunum og látið standa í ísskáp klukkutíma.

Lime og rósmarínvatn

1 lime, þvegið og skorið í báta
1 grein af fersku rósmarín
Safi úr einni appelsínu og börkur af ½ appelsínu
2 l vatn

Setjið limebátana og rósmarín í vatnið. Skerið ysta lagið af berki hálfrar appelsínu, best er að nota flysjárn Setjið útí vatnið, ásamt appelsínusafanum. Látið standa í ísskáp í klukkutíma.

Bestu kveðjur!

Höfundur: Guðbjörg Finnsdóttir

Guðbjörg er iþróttakennari frá Íþróttakennaraskóla Íslands. Hún hefur verið í líkamsræktarbransanum frá því árið 1989. Alltaf tilbúin að taka að sér krefjandi verkefni. Haldið ýmis þjálfaranámskeið fyrir þolfimikennara og einkaþjálfara auk þess að vera stundakennari við HR íþróttafræði. Undanfarin 19 ár hefur hún starfað með Agústu Johnson en nú hefur hún stofnað sitt eigið fyrirtæki, G fit heilsurækt og elskar að taka þátt í vellíðan fólks og upplifa árangur í líkamsrækt. Guðbjörg á skilningsríkan eiginmann og þrjú yndisleg börn.

Fleiri færslur höfundar

Fyrir 50 árum var starfrækt verksmiðja í þessu brjálæðislega flotta húsi.

Breytingin er alveg meiriháttar og í raun er þetta hús eitt af mínum uppáhalds húsum þegar kemur að hönnun: Litavalið, húsgögnin, efnin á gólfi og veggjum samsvara sér svo vel og ná þessum vá-faktor sem flestir vilja ná án þess að ofgera hlutunum. Nude litir á móti hreinum hvítum tónum, alveg meiriháttar flott!

Svo ég minnist nú ekki á tímalausu hönnunina í húsgögnunum en þarna má til dæmis sjá Eggið, Svaninn og Eames í sama rými eins og ein stór, hamingjusöm fjölskylda. Arinninn er mjög flottur en hann snýr bæði inn í stofuna og líka inn í borðstofuna. Þannig er hann notaður til að brjóta miðrýmið upp og skilja það í sundur. Kemur ótrúlega vel út.

Falleg og vönduð hönnun hér á ferð! Dásemd…

Höfundur: Guðrún J. Halldórsdóttir

Guðrún J. Halldórsdóttir er innanhúss- og húsgagnahönnuður. Hún bjó í Flórens á meðan náminu stóð og hreinlega elskar allt sem tengist Ítalíu! Matinn, menninguna og lífsstílinn. Guðrún hefur margra ára reynslu við að hanna íbúðir, veitingahús og hótel. Hennar helstu áhugamál eru hönnun, tíska, matargerð og gömul húsgögn með sál. Eins rekur hún Mio-design en þar er boðið upp á hönnun og/eða ráðgjöf fyrir heimili og eins hluti hannaða úr íslenskum efnum fyrir heimilið. Guðrún er sporðdreki og Tígur í Kínversku stjörnuspánni.

Fleiri færslur höfundar

Margir kannast orðið við Karolinafund en það er söfnunaraðferð sem frumkvöðlar nýta sér til að fjármagna hin ýmsu verkefni.

Meðal þeirra sem eru með verkefni þar á prjónunum eru stelpurnar í Heilshugar en þær stefna að því að koma á markaðinn matvöru sem þær kalla Millimál.

Það eru nokkrar tegundir af möndlublöndum sem eru bæði bragðgóðar og hentugur hitaeiningafjöldi eða um  200-250 he. hver poki og því frábært sem snakk á milli máltíða. En til að geta komið vörunni á markað þurfa þær hjálp þeirra sem hafa trú á verkefninu:

„Þannig getur þú borgað 8 evrur (1280 kr) og færð í staðin áritað þakkarbréf frá okkur og 3 pakka af Millimáli sent heim þér að kostnaðarlausu úr fyrstu framleiðslu (í lok júní). Næsti möguleiki er 15 evrur (2400 kr) sem færa þér þakkarbréf, 6 pakka af Millimáli og matarplan (fyrir þá sem vilja). 30 evrur eða 4800 kr gefa 12 pakka af millimáli, þakkarbréf og matarplan og svo framvegis,“ segir Guðrún Ásdís Sturlaugsdóttir forsprakki verkefnisins og bætir við…

„Þannig erum við í raun að selja Millimál fyrirfram til að safna pening sem við þurfum á að halda til að koma vörunni í framleiðslu.

Það þarf bara að fara inná ÞENNAN HLEKK, smella á ‘pledge to project’ og velja upphæð.

Karolinafund er íslensk síða og auðvelt að nota hana til að styrkja hin ýmsu verkefni en skemmst er að segja frá Bulsu verkefninu sem kemur ljúffengum grænmetispylsum á markað. Alltaf gaman þegar fólk tekur sig til og byrjar á atvinnuskapandi verkefnum sem bæta jafnframt heilsu landsmanna. Gerist varla betra.

Við á Pjatt.is óskum Guðrúnu og félögum góðs gengis með verkefnið og bíðum spenntar eftir að sjá þessar vörur í búðum!

Höfundur: Pjatt

Pjattrófurnar eru nokkrir kvenkyns fagurkerar á öllum aldri sem sérhæfa sig á ýmsum sviðum. Við skrifum aðallega það sem okkur finnst fallegt, skemmtilegt eða lífsbætandi með einum eða öðrum hætti og gefum þér og hvor annarri góð ráð. Þú mátt líka endilega senda okkur póst því okkur finnst svo gaman að fá lesendabréf, spurningar, ábendingar og fleira. Netfangið er: pjattrofurnar (hja) pjattrofurnar.is – og endilega finndu okkkur á Facebook! – facebook.com/Pjattrofur

Fleiri færslur höfundar

Frönsk ungmenni geta farið að hlakka til því útgáfustjóri hjá forlaginu Bayard Jeunesse hefur fest kaup á útgáfuréttinum á hinni frumlegu og djúpvitru bók Bryndísar Björgvinsdóttur um fluguna sem stöðvaði stríðið.

Bayard er annað stærsta barnabókaforlag í Frakklandi og selur árlega um sex milljónir eintaka bóka sinna.

Þau hyggjast gefa bókina út senmma árs 2015 og dreifa henni um hinn frönskumælandi heim.

Flugan sem stöðvaði stríðið er merkileg saga sem tvinnar saman mikilvægan boðskap og dillandi skemmtilega frásögn. Bókin hlaut íslensku barnabókaverðlaunin 2011 og var tilnefnd til Fjöruverðlaunanna.

Bryndís Björvinsdóttir er þjóðfræðingur að mennt og starfar m.a. við rannsóknarstörf og kennslu.

Við óskum henni Bryndísi til lukku með þennan áfanga og bíðum spenntar eftir fullorðinsbók frá henni!

Höfundur: Pjatt

Pjattrófurnar eru nokkrir kvenkyns fagurkerar á öllum aldri sem sérhæfa sig á ýmsum sviðum. Við skrifum aðallega það sem okkur finnst fallegt, skemmtilegt eða lífsbætandi með einum eða öðrum hætti og gefum þér og hvor annarri góð ráð. Þú mátt líka endilega senda okkur póst því okkur finnst svo gaman að fá lesendabréf, spurningar, ábendingar og fleira. Netfangið er: pjattrofurnar (hja) pjattrofurnar.is – og endilega finndu okkkur á Facebook! – facebook.com/Pjattrofur

Fleiri færslur höfundar

Líffæri konunnar eru nefinlega svo ótrúlega flókin að það þarf alveg heila deild í læknisfræði til að skilja þau.

Allskonar hlutir geta haft áhrif á það hvort við erum „eðlilegar“ þarna eða ekki en flestar konur upplifa það reglulega, eða af og til, að vera með útferð og kannski kláða eða vonda lykt.

Mjög margar stelpur fá candida sveppasýkingu reglulega og þurfa endalaust að standa í því að ráða bót á því meini. Það er gert meðal annars með því að forðast að borða sykur og hveiti, nota Pevaryl og Canesten eða taka töflur, drekka vel af AB mjólk og passa hvernig nærfötum þú gengur í eða hvernig dömubindi þú notar. Já, þetta getur verið flókið.

Svo erum við þannig úr garði gerðar fæstar þola sápuþvott að neðan, það kallar bara á eymsli og viðkvæmni. Þó langar okkur oft að þrífa þetta flókna svæði vel, sérstaklega þegar við erum á blæðingum. Sem gerist einu sinni í mánuði.

Aðgengileg lausn

Það eru ekki margar neysluvörur á markaðnum sem eru sérstaklega ætlaðar konum með þennan vanda, sem er harla furðulegt því um 9 af 10 kannast við þetta. Bella hefur þó undanfarið verið að prófa nokkuð góðar vörur sem heita Vivag. Vinkona gaf Bellu nefninlega blautþurrkur, sápu og töflur í prufustærð og sagði spennt frá því að hún gæti ekki lifað án þeirra. Ég bara yrði að prófa!

Ég þáði þetta svona hálf vandræðalega og byrjaði á að nota hylkin en það eru svona litlar töflur sem eyða skrítinni lykt og koma jafnvægi á bakteríuflóruna. Hylkin eru eins einföld og hugsast getur en þú bara stingur þeim upp áður en farið er í háttinn. Eftir tvo daga var komið fullkomið jafnvægi á alla flóruna og ég ilmaði eins og blóm í sumargolunni. Alveg frábært, sérstaklega af því það getur verið svo dýrt og mikið vesen að útvega sér lyf eða fara í sykurlaust AB átak til að jafna þessa blessuðu flóru.

Borgar sig að hafa svæðið hreint

Sápan kemur sér sér síðan mjög vel í sturtunni, og klútarnir fyrir og eftir kynlífið líka en eins og margir vita er mjög gott að fara á klóið að pissa og þrífa sig eftir á til að koma í veg fyrir t.d. þvagfærasýkingar og annað leiðinda vesen. Þá er frábært að hafa þessa litlu klúta við höndina en verðbilið á þessum vörum (s.s. klútum, sápu og töflum) er frá 900 til 2000 kr sirka og þær fást í flestum apótekum.

Það væri gaman að heyra hvort þú kannt einhver náttúruleg ráð við þessu eða fleiri. Endilega sendu póst á pjattrofurnar (hjá) pjattrofunar.is eða í kommenti á FB síðu Pjattrófanna.

Höfundur: Bella Baldurs

Bella símamær hefur sérstakan áhuga á persónulegum þroska, samskiptum einstaklinga, samskiptum kynjanna, ástarmálum, deitmálum og kynlífi. Hún er hispurslaus, alltaf hún sjálf og segir það sem henni finnst. Bella er í þrettánda stjörnumerkinu -og fædd 29 febrúar (á hlaupári.)

Fleiri færslur höfundar

Næstum sama hvaða grænmeti á í hlut, það verður einhvernvegin ómótstæðilega gott um leið og það er búið að velta því upp úr ólífuolíu og smá salti og baka það í ofni í um hálftíma.

Hér er uppskrift að ofnbökuðum, fylltum paprikum sem fara með þig beint niður að miðjarðarhafi… það eina sem vantar er bara hitinn en hann kemur í kroppinn með þessu góðgæti sem tekur korter að undirbúa og 25 mínútur að elda.

INNIHALD

• 4 paprikur  (rauðar, gular eða grænar)
• 1 msk ólífuolía
• 200 gr fetaostur mulinn
• 200 gr kirsuberjatómatar, skornir í helminga
• 50 gr svartar ólífur án steina
• 1 lítill rauðlaukur, skorinn þunnt
• rifinn sítrónubörkur af einni sítrónu
• 1 hvítlauksrif, marið
• 4 msk basil lauf

AÐFERÐ

Hitaðu ofninn í 200. Skerðu paprikuna til helminga og taktu fræin úr. Berðu ólífuolíu á og settu á bökunarpappír á ofngrind. Blandaðu saman feta, tómötum, ólífum, lauk, sítrónuberki, hvítlauk og helming af basil og notaðu sem fyllingu í paprikuna. Skvettu yfir ólífuolíu og bakaðu í ofninum í 25 mín eða þar til paprikan er orðin mjúk. Settu svo restina af basil yfir.

Góð ráð:

Þú getur undirbúið þennan rétt sex kls áður en hann er borin fram. Fyrirtaks forréttur og æðislegt meðlæti með grillmat. 

Höfundur: Margrét

Margrét Gústavsdóttir stofnaði Pjattið í febrúar 2009. Frá tvítugu hefur hún starfað við ýmsa fjölmiðla en lengst af við blaðamennsku. Margrét einnig ljósmyndari og lunkið tölvunörd en hún hannar síðuna og forritar að hluta. Margrét hefur búið í London, Kaupmannahöfn og Los Angeles en býr nú með dóttur sinni Eddu á Seltjarnarnesi. Hafðu samband á margret (hja) pjattrofurnar.is

Fleiri færslur höfundar

Ég hef fylgst með Audrey Kitching á instagram í nokkurn tíma en hún er litríkur persónuleiki með skemmtilegan og óvenjulegan stíl.

Audrey er bloggari, fatahönnuður og módel svo eitthvað sé nefnt. Hún hefur mikið unnið með PETA enda mikill dýravinur og borðar ekkert nema vegan mat sem er einungis úr jurtaríkinu. Matarpóstarnir hennar á instagram láta mig næstum því langa að verða healthy týpan, þeir eru svo girnilegir!

Hún hefur m.a birst í Italian Vogue, módelast fyrir Vera Wang, hannað fyrir „fashion against aids“ línu H&M og verið á forsíðum ótal tímarita. Ég myndi mögulega drepa fyrir fataskápinn hennar, og HÁRIÐ!

Rosalega flott týpa…

HÉR má finna bloggið hennar.

Höfundur: Stella Björt

Stella Björt útskrifaðist úr Borgó 2010 og starfar nú sem verslunarstjóri í Topshop í Smáralind. Þess á milli tekur hún að sér stílistaverkefni og hefur tekið námskeið í stíliseringu í London College of Fashion en stefnir á fullt nám þar í framtíðinni. Stella er tvíburi.

Fleiri færslur höfundar

Þetta er ekki neitt nýtt en er eitthvað vit í dag, árið 2013, að ýta undir svo óskynsamlega og persónuleikabrenglandi hugsun. Er samfélagið komið út á ranga braut í þessum efnum?

Fyrir nokkrum árum gekk lítil 8 ára hnáta fram hjá mér – og af klæðalitlum sumarfatnaðinum að dæma var augljóst að innan klæða klæddist hún svonefndum G-streng.

Þessi litla hnáta var þétt á velli, nokkuð þybbinn- og stelpurnar í skólanum áttu það til að kalla ýmislegt neikvætt á eftir henni, orð sem ég vil ekki hafa eftir hér.

Einmana með brenglaða sjálfsmynd

Litla stúlkan var oft einmana – klæddi sig gjarnan upp og gekk í níðþröngum buxum, magabol og oft á smá hælaskóm. Vafalítið yndæl lítil stúlka en með dálítið brenglaða sjálfsmynd og var að reyna að líta út fyrir að vera eitthvað allt annað en hún ætti að vera. Þetta var ekki einstakt tilvik, heldur gerðist þetta áberandi oft. Þá varð mér spurn hvernig í ósköpunum foreldrar stúlkunnar létu þetta viðgangast – eða var hugsanlega einhver í fjölskyldunni að ýta undir þetta á einhvern hátt?

Eitt sinn þegar ég sótti barn á leikskóla heyrði ég 5 ára stúlku hreyta því í aðra að sú væri fitubolla, hún ætlaði sko ekki að leika við hana! Eins hef ég heyrt af börnum sem ekki vilja borða kvöldmatinn sinn heima því þau séu orðin svo feit! 6 ára börn, tágrönn!! Hvað er eiginlega í gangi? Hvert eiga þessar ranghugmyndir rætur að rekja?

Þetta viðhorf til „sveltis“ á því miður líka við ótrúlega marga unglinga í dag. Hvers vegna er þetta svona? Já , og ungar stúlkur – og pilta – um tvítugt.

Svo eru það unglingsstúlkurnar okkar, klæðaburður þeirra dags daglega og svo á skólaskemmtunum. Fyrir um 10 árum þótti mér áberandi hve stúlkur, rétt búnar að ná fermingaraldri, voru í klæðalitlum fatnaði á skólaskemmtunum. Bolirnir og kjólarnir svo flegnir að myndir teknar á skólaskemmtunum gætu nær hafa verið teknar af vafasömum vefsíðum. Svo er þetta í allt of mörgum tilvikum enn í dag.

Æskilegur klæðnaður?

Mér þótti því lofsvert framtak í grunnskóla einum þar sem ég kom í heimsókn í vetur að þar á áberandi stað á göngum voru tilmæli frá kennurum og skólastjórn um hvernig fatnaður væri æskilegur í skólanum.

Ef starfsfólki skólans þætti sem fatnaður nemenda væri ekki innan ákveðinna „siðsamlegra“ marka þá hefði starfsfólkið leyfi til að gera athugasemd þar að lútandi og viðkomandi yrði þá hugsanlega að fara heim og skipta yfir í klæðameiri föt. Hvers vegna þótti þetta nauðsynlegt? Veltið því fyrir ykkur.

Hvaða skilaboð sendir þjóðfélagið æsku landsins með því að hampa ákveðnum gæðastimplum sem miðast við ákveðið útlit ungs fólks, ákveðnum klæðaburði og „sexý lúkki“. Er þetta það sem við viljum leggja áherslu á? Hvað vilt þú ?

Hugleiddu þetta og myndaðu þér þína eigin skoðun á því hvaða áherslur þú telur mikilvægar fyrir unga fólkið okkar til að byggja sig upp sem „heilbrigða, glaða og hamingjusama“ einstaklinga sem nýta hæfileika sína á skapandi hátt – eins og hæfileikar og áhugi hvers og eins stendur til.

Höfundur: Jóna Björg Sætran

Jóna Björg er menntunarfræðingur, M.Ed., frá KHÍ, er með alþjóðlega vottun sem ACC markþjálfi frá ICF (International Coach Federation) og er einnig Feng Shui ráðgjafi.
Í vetur hefur Jóna Björg svo lagt stund á Hugræna atferlismeðferð (HAM) í Endurmenntun HÍ. Jóna Björg starfar sjálfstætt við einkaleiðsögn, námskeiðahald, ritstörf, fyrirlestra og ráðgjöf jafnt hjá einstaklingum og fyrirtækjum. Hún var leiðbeinandi hjá Brian Tracy International hér á landi og er fyrrverandi námstjóri hjá menntamálaráðuneytinu.
Jóna Björg fer ótroðnar slóðir, elskar að takast á við krefjandi verkefni og finnst langmest gefandi að vinna með fólki að bættri líðan, meiri hamingju og hugrró.

Einkunnarorð hennar eru: Blómstraðu í einkalífi og starfi, njóttu þess að vera þú!

Fleiri færslur höfundar