Undanfarið hef ég verið að hlusta á lagið "Blurred Lines" með Robin Thicke og Pharrell Williams og ég held svei mér þá að þetta sé eitt kynþokkafyllsta lag sem ég hef heyrt!
Þegar þeir félagar tóku upp fyrsta myndbandið (já fyrsta) við þetta lag þá fór
Robin til konunnar sinnar og spurði hana hvort það væri í lagi ef hann tæki myndbandið upp þar sem að það innihélt nánast allsbera kvenmenn dansandi allt í kring.
Frúin tók vel í það og myndbandið var tekið upp en það þótti of gróft, var fjarlægt af Youtube og þeir urðu að gjöra svo vel að taka það upp aftur!
Myndbandið er svo sem ágætt en lítið gerist í því nema að fáklæddar dömur dansa í kringum þá félaga og rapparann T.I.
Kvenmenn í
Bandaríkjunum virðast samt sem áður ekki halda vatni yfir þeim félögum eins og kom bersýnilega í ljós þegar þeir komu fram í
The Ellen Show en salurinn hreinlega trylltist þegar þeir gengu upp áhorfendastigana og margar konur dönsuðu eins og þær ættu lífið að leysa.
Hér að neðan getur þú séð þá félaga koma fram í The Ellen Show, The Graham Norton Show og síðan ritskoðaða myndbandið.
