UPPSKRIFT: Himneskir pítsasnúðar-sem kæta unga sem aldna

Þessir gaurar slá allstaðar í gegn og eru alltaf vinsælir hvar sem þeir troða upp. Frábært að eiga þá í frysti. Æðislegir í veisluna, næla sér í þegar þú ert á hlaupum eða í hvaða gleði sem er.

HRÁEFNI

• 6 dl spelt
• 2 tsk. vísteinslyftiduft
• 1/2 tsk sjávarsalt
• 2 msk. olífuolía
• 2 1/2 dl vatn

AÐFERÐ

1. Hitið ofninn í 180°C
2. Blandið spelti, vínsteinslyftidufti, sjávarsalti og olíu saman.
3. Bætið vatni saman við smám saman.
4. Hnoðið saman með hnoðara, þar til deigið hefur samlagast.
5. Fletjið deigið út.

SÓSA

• 2 dl maukaðir tómatar
• 1 tsk oregano
• 1 tsk basilika
• 1 poki mozzarella ostur, rifinn

Blandið öllu vel saman. Smyrjið á deigið og rúllið því upp. Skerið í ca. 2 cm sneiðar. Raðið þeim á pappírsklædda bökunarplötu. Bakið í u.þ.b. 15 mínútur.

Njótið!