Ertu með lítinn tíma aflögu og þarft fljótlega lausn fyrir rakalausa húð ?
Loccitane hefur þróað vörulínu sem er gerð úr ilmkjarnaolíum úr lífrænt ræktaðri hvönn þar sem hvannarvatn gefur húðinni langvarandi raka og blæs nýju lífi í húðina.
Angelica Instant Hydration Mask gefur húðinni raka á þremur mínútum en áferðin á maskanum er gelkennd og gengur vel inn í húðina á skömmum tíma. Til að byrja með þurfti ég að venjast ilminum en eftir að hafa notað maskann í dálítinn tíma fór mér að finnast hún góð og nota ég maskann eins oft og ég get.
Andlitsskrúbburinn Angelica Exfoliation er einnig gelkenndur og er fín perluáferð á maskanum sem rispar ekki húðina heldur nudda hana jafnt og þétt. Mér finnst vera einskonar silkiáferð á þessum skrúbb og tekur það passlegan tíma fyrir perlurnar að leysast upp sem gerir það að verkum að maður nær að skrúbba húðina passlega mikið.
Hreinsigelið Angelica Cleanings Gel kemur í flösku með pumpu og freyðir gelið örlítið þegar þú notar það á húðina. Ilmurinn er örlítið of stekur fyrir minn smekk en gelið er gott, hreinsar farðan vel og frískar húðina ásamt því að undibúa hana vel undir dekur.
Loccitane leggur mikið upp úr hreinleika og er hvönnin sem er notuð í snyrtivörurnar lífrænt ræktuð.
Hér má sjá myndband um hvannarbóndann myndarlega sem hefur ræktað lífræna hvönn í 12 ár.
